هربت من جوازة غصب واستخبت جنب الحاكم الغايب عن الوعي… ولما فتح عينه القصر كله اتقلب!”محدش يسيبها تخرج من القصر!”صوت فؤاد بيه دوّى في الممرات، والكل جري يدور عليها.أما مريم فكانت بتجري حافية، نفسها ، وشعرها ملزق في وشها من العرق والخوف.عندها عشرين سنة، لكن الحياة علمتها من وهي طفلة إزاي تعيش كأنها مش موجودة. يتيمة، شغالة خياطة في القصر، بتفصل الفساتين وتطرز الستاير ومفارش السفرة، والناس كلها بتتعامل معاها كأنها جزء من الأثاث.
لكن النهارده كان مختلف.
لأول مرة فؤاد بيه افتكر إنها موجودة.
استدعاها لمكتبه الصبح، وما إن دخلت حتى قال:
“أنا قررت أتجوز… وإنتِ العروسة.”
اتجمد في عروقها.
كانت عارفة سمعته كويس.
عارفة إن الاتنين اللي اتجوزهم قبليها في ظروف غامضة.
وعارفة إن الجوازة دي معناها نهايتها.
لما حاولت ترفض، ابتسم وقال:
“الفرح بعد يومين… واعتبري ده كرم مني.”
خرجت من المكتب وهي بترتعش.
وفي نفس الليلة قررت تهرب.
عدت من ممرات الخدمة، ونزلت السلم الخلفي، لحد ما وصلت للجناح المقفول اللي محدش بيقرب منه.
جناح المحافظ أحمد المنشاوي.
الراجل اللي بقاله ست شهور في غيبوبة بعد حادث غامض.
سمعت الحراس بيقربوا.
بصت حواليها تدور على مكان تستخبى فيه.
مفيش.
غير السرير الكبير اللي نايم عليه المحافظ.
ومن غير تفكير زحفت تحت الغطا واستخبيت جنبه.
بعد ثواني الباب اتفتح.
دخل الحراس فتشوا .
لكن محدش شافها.
ولما خرجوا أخيرًا، بصت لأحمد.
وشه شاحب.
وجسمه ساكن.
كأنه ميت بيتنفس.
مدت إيدها ولمست إيده الباردة وهمست:
“لو صحيت… يمكن كل الظلم ده ينتهي.”
وهي مش واخدة بالها…
صباعه اتحرك حركة بسيطة جدًا.
من يومها بقت ترجع كل ليلة.
تحكيله عن خوفها.
عن أحلامها.
وعن كرهها لفؤاد بيه.
وكان الغريب إن حالته بدأت تتحسن.
حتى الدكتور لاحظ.
أما فؤاد بيه فبدأ القلق ياكله.
خصوصًا لما الدكتور قال:
“نبض المحافظ بقى أقوى من أي وقت فات.”
في الليلة دي دخلت مريم وهي بتعيط.
الحراس كانوا قربوا يمسكوها.
مسكت إيد أحمد وقالت:
“أنا تعبت… لو لقاني هيجبرني أتجوزه.”
وفجأة…
جهاز النبض بدأ يرن بجنون.
رفعت رأسها بخضة.
وفي نفس اللحظة سمعت صوت المفتاح بيلف في الباب.
وصوت فؤاد بيه جاي من بره:
“افتحوا… أظن الفأر أخيرًا وقع في المصيدة.”
لكن اللي محدش كان مستعد له…
إن جفون أحمد بدأت تتحرك لأول مرة من ست شهور…ووو
#بقلم_زيزي_احمد
